Sunehri Kahanian (سنہری کہانیاں)

Sunehri Kahanian (سنہری کہانیاں)

آٹھویں، نویں اور دسویں جماعت کے طلباء و طالبات کے لئے تعلیمی اور تربیتی
سنہری کہانیاں
تالیف: عبد المالک مجاہد
صفحات: 408

قصص اور واقعات کی اپنی ہی تاثیر ہوتی ہے۔ ان کے ذریعے سے لوگوں کی اصلاح اور ذہنی و جسمانی تربیت کے جو فوائد حاصل ہوتے ہیں، وہ عام گفتگو اور تحریر سے حاصل نہیں ہوتے ۔ ان کی اسی افادیت کے پیش نظر قرآن میں اللہ تعالٰی نے جابجا سابقہ انبیاء اور ان کی اقوام کے واقعات بیان کیے ہیں جو عبرت و نصیحت کی داستان ہونے کے ساتھ ساتھ تعلیم و تربیت کا بہترین سامان بھی ہیں۔

اسی قرآنی اسلوب کو ملحوظ رکھتے ہوئے دارالسلام انٹر نیشنل کے منیجنگ ڈائریکٹر جناب عبدالمالک مجاہد نے سنہرے واقعات پر مبنی ایک خوبصورت سلسلہ شروع کر رکھا ہے جو کئی کتابوں پر محیط ہے۔ زیر نظر کتاب “سنہری کہانیاں” اسی روشن سلسلے کی ایک اہم کڑی ہے۔ اس میں بیان کردہ واقعات کا اسلوب انتہائی عمدہ، دلچسپ اور تربیتی ہے۔ اور یہ سب واقعات بالکل صحیح اور درست ہیں۔ یوں یہ ایک مفید کاوش ہے جو دروس ، اسباق اور پند و نصائح پر مشتمل ہے۔ امید کی جاتی ہے کہ یہ کتاب نوجوان نسل کی تربیت میں اہم کردار ادا کرے گی۔